2021 રહેશે સૌથી ગરમ વર્ષ

2021 રહેશે સૌથી ગરમ વર્ષ

2021 રહેશે સૌથી ગરમ વર્ષ

પર્યાવરણમાં 300 વર્ષની સરખામણીમાં 50% વધ્યો કાર્બનડાયોક્સાઇડ, એનું 25% પ્રમાણ વધવામાં 200 વર્ષ લાગ્યાં હતાં

.

  • એક સ્ટડીમાં અમેરિકા અને બ્રિટનના સંશોધનકારોએ CO2 ડેટાનું વિશ્લેષણ કર્યું
  • વાતાવરણમાં CO2નો સ્તર 18મી સદીના સ્તરથી દોઢ ગણો વધશે
 

આપણા પર્યાવરણમાં કાર્બનડાયોક્સાઇડ (CO2) ગેસનું ઉત્સર્જન સતત વધી રહ્યું છે. વૈજ્ઞાનિકોએ આ વિશે ચેતવણી આપી છે કે 2021 એ અત્યારસુધીનું સૌથી ગરમ વર્ષ હોઈ શકે છે. એક અભ્યાસમાં સંશોધનકારોએ જણાવ્યું છે કે CO2નો સ્તર આ વર્ષના અંત સુધીમાં 18મી સદી (લગભગ 300 વર્ષ પહેલાં)માં થયેલી ઔદ્યોગિક ક્રાંતિ પહેલાં થઈ રહેલા માનવસર્જિત કાર્બન-ઉત્સર્જનના સ્તર કરતાં 50% વધુ થઈ જશે આનો અર્થ એ છે કે CO2નો સ્તર 18મી સદીના સ્તરથી દોઢ ગણો વધશે.

હાલના એક સ્ટડીમાં અમેરિકા અને બ્રિટનના સંશોધનકારોએ હવાઈ અને ઠંડા વિસ્તારોના CO2 ડેટાનું વિશ્લેષણ કર્યું છે. એમાં જાણવા મળ્યું છે કે 1750-1800માં CO2નો સરેરાશ સ્તર 278 પાર્ટ્સ પ્રતિ મિલિયન (PPM) હોતો, જ્યારે માર્ચ 2021માં આપણા વાયુમંડળમાં CO2નો સ્તર 417.14 PPM પર પહોંચ્યો હતો. નિષ્ણાતોનું અનુમાન છે કે મે સુધીમાં કાર્બન-ઉત્સર્જનનું પ્રમાણ હજુ વધશે, સાથે જ 2021માં એના સરેરાશ 419.5 PPM પર પહોંચી જશે.

નાટકીય પરિવર્તન એક માનવ ઉલ્કાપિંડ પૃથ્વીની જેમ
વિશ્લેષણ દર્શાવે છે કે 1760ની આસપાસ શરૂ થયેલા કાર્બનડાયોક્સાઇડ માર્ચ 2021 સુધીમાં નવા સ્તરે પહોંચ્યો છે. લંડન યુનિવર્સિટીના પ્રોફેસર સાઈમન લુઇસે જણાવ્યું હતું કે વાતાવરણમાં કાર્બનડાયોક્સાઇડના પ્રમાણને 25% વધવામાં 200 વર્ષનો સમય લાગ્યો હતો, જ્યારે ઔદ્યોગિક ક્રાંતિના પહેલાંના સ્તરથી માત્ર 30 વર્ષમાં 50%થી ઉપર પહોંચી ગયો. આ નાટકીય પરિવર્તન એક માનવ ઉલ્કાપિંડ પૃથ્વીની જેમ છે.